Información alumnado

FORMACIÓN EN CENTROS DE TRABALLO (FCT) - NIVEL CICLOS

• A Xefatura de Relacións con Empresas, Estudos ou Talleres organizará unha reunión informativa previa ao período de prácticas ao inicio de curso,   Para dúbidas deberanse dirixir o Coordinador de prácticas de FCT e/ou titor correspondente. 

PRÁCTICAS EXTERNAS - NIVEL GRAO (DESEÑO DE MODA E DESEÑO DE PRODUTO)

As prácticas poden ser Curriculares (obrigatorias) e Extracurriculares (voluntarias) e realizarse se o alumno/a se atopa nalgunha das dúas seguintes situacións:

Curriculares:

• ter tódolos créditos superados, coa excepción do TFE.
• ter ata un máximo de 18 créditos ECTS pendentes (ao marxe do TFE); neste caso o alumno poderá solicitar a súa realización na convocatoria na que cumpra este requisito, con autorización do Xefe de Estudos.

Asignación de empresas:

• Empresas propostas polos estudantes:

Ademais das empresas colaboradoras coa Escola nas prácticas, o alumno pode realizar prácticas noutras empresas, sempre que o comunique á Xefatura de Relacións con Empresas e previamente exista un convenio asinado adaptado ás condicións requiridas.

Se tedes contacto coa empresa e vos interesa esta opción, debedes comunicarllo á coordinación das prácticas no correo empresas@easd.es , e facilitar a folla de datos de alumno-empresa  (nos prazos indicados)

• Empresas propostas pola EASD:

A EASD conta cunha bolsa de empresas colaboradoras, coas cales asinará un Convenio de Prácticas específico que permita a incorporación de cada alumno/a ao seu centro de traballo para a realización das prácticas.

Condicións das prácticas:

• Non teñen carácter laboral, nin son retribuídas.
• O alumnado está cuberto por un seguro de accidente e de responsabilidade civil, subscrito pola Consellería de Educación.
• Terán unha duración mínima de 250 horas (a duración máxima da disciplina son 300 horas, 12 créditos ECTS).

Procedemento:

• A Xefatura de Relacións con Empresas, Estudos ou Talleres organizará unha reunión informativa previa ao período de inicio de prácticas ó comezo de curso. , Nesta reunión explicarase o procedemento a seguir e solucionaranse as dúbidas que poida ter o alumnado.
• Ademaís farase unha reunión previa o inicio de cada cuadrimestre. Nesta reunión xestionarase a qué modalidade de prácticas se vai axustar cada alumno e asignaranse as empresas. 
• Asumindo as necesidades das empresas da bolsa de colaboración e dos diferentes alumnos, a EASD xestionará os convenios de realización das prácticas. Unha vez confirmados polas diferentes empresas notificaráselle ao alumnado as datas de inicio e finalización das súas prácticas, para a súa incorporación inmediata.
• Ningún alumno pode comezar as prácticas sen ter asinado o Convenio por parte da Escola; de facelo a situación laboral sería irregular.
• Unha vez asinado o Convenio o alumno comprométese ao cumprimento do mesmo; a seguir as indicacións do seu titor/a de prácticas e do titor/a da empresa, e a elaborar a memoria de prácticas e entregala ao rematar as mesmas no prazo establecido.
• O rematar as prácticsa os alumnos deberán entregar:
  • memoria das prácticas
  • folla de avaliación dos alumnos á empresa 
  • folla de avaliación da empresa ós alumnos
• O rematar as prácticas os titores académicos deberán entregar:
  • folla de avaliación das prácticas do alumno

Extracurriculares (son voluntarias, as busca o alumno directamente e nunca con empresas colaboradoras coa EASD xa que supoñen un custo para as mesmas), poderán realizalas se pertencen a un dos seguintes tipos :

• TIPO A: Os alumnos de 3º curso cun 50 % dos créditos superados en dito curso e a totalidade dos cursos anteriores superados. 
• TIPO B: Os alumnos de 4º sempre prevalecendo  a asistencia e horario lectivo
• TIPO C: Os alumnos de 4º con só pendente o TFE

Para información completa sobre as prácticas curriculares ou extracurriculares, documentación, normas e xestión ver: Instrucións de Prácticas da EASD

Os alumnos interesados en tramitar as prácticas extracurriculares deberán cursar o anexo: solicitude de prácticas extracurriculares no prazo establecido según o calendario de prácticas e poderán aproveitar as funcionalidadades do Career Center de Jobteaser, daráselles acceso vía email en exclusividade coa realización da matrícula na EASD. 

Calendario de prácticas curso 2018-2019

Convocatoria de prácticas extracurriculares curso 2018-2019